कातरवेळ

मन उधाण असते
रेती सरकत असते
जीवात जीव नसतो
ती कातरवेळ

तू हलकेच येतेस
हातात हात अलगत देतेस
हात सुटून कधी जातो उमगत नाही
ती कातरवेळ

भरती मनासारखी
ओहोटी तुझ्यासारखी
मनात काहुर कां उठते कळत नाही
ती कातरवेळ

संध्याकाळ रात्रीच्या गर्तेत जाते
मी अन् माझे मन तसेच राहते
रात्र दिवसात कधी बदलून जाते कळत नाही
ती कातरवेळ

कधीतरी कुठल्या लाटेसोबत देह माझा
तुझ्याच बेटावर सापडतो लोकांना
तो सोबत असतो म्हणुन तुला ओळख देता येत नाही
तीच अन् तीच उरते कातरवेळ !!!

प्र .......साद जोशी
पुणे
२६.०६.२००९