आज एक विचित्र अपघात घडला म्हणे
कुणीतरी त्या ट्रक खाली आला म्हणे
मला त्याचे काय करायचे ? मी बाजुनी निघून आलो
मला काय त्याचे ? मला लवकर घर गाठायचे होते !
हजार तरी अपघात होत असतात हल्ली रोज रस्त्यात
आपण तरी कुठे कुठे थाम्बयाचं ? अन् कशासाठी ?
नीट नाही नां चालवता येत गाड़ी मग बसनी फिरावं की
मला काय त्याचे ? मला लवकर घर गाठायचे होते !
आज तसा एकदम ख़ास दिवस आहे माझ्यासाठी
पगार वाढला हे सुद्धा सांगायचे आहे आणि तिचं पण
सारखं सारखं डोळ्यासमोर त्या अपघातानी यावं कशाला ?
मला काय त्याचे ? मला लवकर घर गाठायचे होते !
घरी आलो तर इमारतीत एकच हलकल्लोळ माजला होता
कुणाचातरी म्हणे अपघातात जीव गेला होता
आयला म्हणजे मगाशी जो अपघात पहायचे टाळले होते
मला काय त्याचे ? मला लवकर घर गाठायचे होते !
तड़क तसाच वर आमच्या मजल्यावर आलो
गोंधळ आमच्याच घरात उडाला होता असे दिसले
भान हरपत होते पण सावरले स्वत:ला आणि पुढे झालो
मला काय त्याचे ? मी तर केव्हाच घर गाठले होते !
मला काय त्याचे ? मी तर केव्हाच घर गाठले होते !
प्र......साद
पुणे
२८.०७.२००९
No comments:
Post a Comment