जगाने जगला म्हणावे !!!
डोळ्यातूनच जे झिरपते तेच अश्रु असतात कां ?
मनातल्या मनात जे झिरपते त्याला काय म्हणावे ?
जे जे दिसते ते ते सत्य असतेच कां ?
जे जे कळते कधी उमगते त्याला काय म्हणावे ?
आस असावी की कास धरावी कुणी तरी सांगेल कां ?
घुसमट होते आतल्या आत त्याला काय म्हणावे ?
प्रतिसाद द्यावा की वाट पहावी सादेची कां ?
हाकेस सुद्धा ओ न यावी याला काय म्हणावे ?
चालत रहावे की थाम्बुन जावे कुणीतरी सुचवेल कां ?
वाट आंधळी की रस्ता चुकलेला याला काय म्हणावे ?
जीवन जाते सरुनी तरी कां जगलो उमगेल कां ?
कलेवराची राख न उरली, जगलो कसे म्हणावे ?
प्र.....साद जोशी
पुणे
०२.०७.२००९
No comments:
Post a Comment