कुणा सावलीला एकदा देह मिळाला
देहातून तिचं वारं वाहू लागलं
आणि मग वाऱ्याला खुळ लागलं
असं सगळे म्हणायला लागले ...
कुणा दात्याला एकदा एक सज्जन भेटला
सज्जनाचे कार्य भरभराटीला आले
मग त्याच्या मतीला चळ लागला
असं सगळे म्हणायला लागले ...
कुणा मानवाला एक वरदान मिळालं
मग राज्याची सीमा रुंदावत राहिली
मग वरदानात फक्त बळ राहिलं
असं सगळे म्हणायला लागले ...
खुळा देह सज्जनाला नकोसा झाला
सज्जनाला कार्याच्या आड सीमा आली
बळाला सगळं मिळून सावली मिळेना झाली
हे असं सगळं सगळ्यांना दिसू लागलं ...
माकडांच्या तालावर कोकिळा गाऊ लागली
दौलतजादा करायला कावळे उठू लागले
मूर्तीच्या नादात माणूस काळीज हरवून बसला
गांडूळ मुंग्यांच्या राज्यात सरकारी स्वप्नं पाहू लागलं ....
रंगीत समाज आणि पैसा यांची युती झाली
होळीच्या रात्री मसणवटी जागू लागल्या
माकडाचं माणूस झालं ठाऊक होतं सर्वांना
माणूस नावाचं माकड जागोजागी फिरू लागलं ...
प्र...साद
२४.०५.२०१३
देहातून तिचं वारं वाहू लागलं
आणि मग वाऱ्याला खुळ लागलं
असं सगळे म्हणायला लागले ...
कुणा दात्याला एकदा एक सज्जन भेटला
सज्जनाचे कार्य भरभराटीला आले
मग त्याच्या मतीला चळ लागला
असं सगळे म्हणायला लागले ...
कुणा मानवाला एक वरदान मिळालं
मग राज्याची सीमा रुंदावत राहिली
मग वरदानात फक्त बळ राहिलं
असं सगळे म्हणायला लागले ...
खुळा देह सज्जनाला नकोसा झाला
सज्जनाला कार्याच्या आड सीमा आली
बळाला सगळं मिळून सावली मिळेना झाली
हे असं सगळं सगळ्यांना दिसू लागलं ...
माकडांच्या तालावर कोकिळा गाऊ लागली
दौलतजादा करायला कावळे उठू लागले
मूर्तीच्या नादात माणूस काळीज हरवून बसला
गांडूळ मुंग्यांच्या राज्यात सरकारी स्वप्नं पाहू लागलं ....
रंगीत समाज आणि पैसा यांची युती झाली
होळीच्या रात्री मसणवटी जागू लागल्या
माकडाचं माणूस झालं ठाऊक होतं सर्वांना
माणूस नावाचं माकड जागोजागी फिरू लागलं ...
प्र...साद
२४.०५.२०१३
No comments:
Post a Comment