माझ्याच मनात

आज उन्हाला एक सावली
माझ्याच मनात
परत वाकून माझीच मी पाहिली
माझ्याच मनात

घोटून घेतलेले सगळे पाढे
माझ्याच मनात
कानामात्रांचे शब्दाला वेढे
माझ्याच मनात

दगडोबा देवात की देव दगडोबा
माझ्याच मनात
प्रेमाचा हात असणारे आजोबा
माझ्याच मनात

किंतु परंतु आणि व सुद्धा
माझ्याच मनात
बेदरकार लढाऊ योद्धा
माझ्याच मनात

बडबड गीतांचा पाउस
माझ्याच मनात
आत्ता नको ना रे जाउस
माझ्याच मनात

अस्थिर थरथरणारी पावले
माझ्याच मनात
काचेच्या आतले जे जे भावले
माझ्याच मनात

खिश्याच्या आतली चिल्लर
माझ्याच मनात
जी काही गाणी थिल्लर
माझ्याच मनात

धगधगणार आज चिता
माझ्याच मनात
उमटणार आज कविता
माझ्याच मनात

प्र...साद
०७.१२.२०१२
पुणे