त्या वेळेचे गणित मला कधी कळत नाही,
नेमकी त्याचवेळी ही अशी कां वागते ?
गरज म्हणावी तर तिलाही असते
आवड म्हणावी तर मलाही असते
आम्हा दोघांची सांगड़ काही बसत नाही
नेमकी त्याचवेळी ही अशी कां वागते ?
मी समुद्र म्हणालो की तिला भेळ आठवते
मी रेतीचे घर म्हणालो की तिच्या डोळ्यात पाणी दाटते
वागावे तरी नक्की कसे मला काही कळत नाही
नेमकी त्याचवेळी ही अशी कां वागते ?
आज राख राख होवुनही तिचेच स्वप्न मनात असते
तिचं तिकडं येणे होतही असावे, मला कधी कळत नाही
सर्व काही संपल्यावर, ती म्हणते की तुझ्याखेरिज एक क्षण जात नाही
मला मात्र कधीच कळत नाही, नेमकी त्याचवेळी ही अशी कां वागते ?
प्र....साद जोशी
पुणे
२२.०९.२००९
No comments:
Post a Comment