समजलेच नाही जगणे सुंदर आहे

शिड फाटून बोट अधांतरी
जीव माझा शिणला होता !
हेलकावत असाच वहात होतो
जीव माझा शिणला होता !

मेंदूपर्यंत वाळू शिरली होती
जीव माझा शिणला होता !
नाकातोंडातून पाणी गेले
जीव माझा शिणला होता !

कुठून जीवलगाचा हात आला 
जीव माझा शिणला होता !
किनाऱ्यावर पडून होतो
जीव माझा शिणला होता !

भणंग मी , मग हात कां आला ?
जीव तर माझा शिणला होता !
तिनेच केले बोलते मला जरी
जीव माझा शिणला होता !

तरी न् जमले बोलणे मला
जीव माझा शिणला होता !
मुक्त केले बंधानातुनी तिनेच मला
श्वासांवर बांध तिने घातला होता !

आठव नाही जीव शिणल्याचा
तिच्याच हाती जीव सोपवला आहे
याद नाही अता माझी मलाही
कधी जीव माझा शिणला होता !

कधी कुंचला तर कधी बोलणे
जगणे अता उमगले आहे
इतुकेच अता उमगले मला
सरता काळ मागे पडला होता !

कोण जाणे कधी हे घडले
जीवही आता गुंतला आहे
सरणावरुनी परतुनी आलो
अता जगण्याकरिता हात हाती होता !

नाही उमगत कां इतका काळ
समजलेच नाही जगणे सुंदर आहे
खरेच कां मी तोच होतो ?
ज्याचा जीव शिणला होता ?


प्र...........साद  जोशी
पुणे
०१.०२.२०१०